Producenti Joe Boyd ka regjistruar albumin e tij më të ri më një grup muzikantësh dhe këngëtarësh nga jugu i Shqipërisë. Janë këngë të polifonisë labe që i kujtojnë producentit rininë e tij të “rock ’n’ roll”. Të gjithë ata që kanë dëgjuar muzikën e viteve ’60 me siguri kanë dëgjuar edhe për emrin e Joe Boyd. Ky producent ka qenë pas këngëve të ‘Pink Floyd’, ‘Nick Drake’ dhe ’10.000 Maniacs’ dhe shumë të tjerëve. Por ai nuk ka prodhuar një album për më shumë se një dekadë. Thuhet se në shtëpinë e Joe Boyd në Londër dëgjohen gjithmonë tinguj të muzikës së jugut. Në një intervistë për një radio amerikane producenti ka treguar historinë e një prej këngëve më të njohura jugore “Tanës”. Joe Boyd ka thënë se është shumë i apasionuar pas iso-polifonisë labe dhe se ajo është aq e vjetër sa dhe Homeri. Sipas tij ndoshta në këtë mënyrë këndonin edhe sirenat kur donin të tërhiqnin Odisenë.
Producenti i ‘Pink Floyd’ publikon albumin me sazet e Shqipërisë
