Të zgjedhësh një kolegj universitar për të studiuar, do të thotë të zgjedhësh ndër të tjera se nga cilët lektorë dëshiron të marrësh dijen.
Në stafin akademik të Kolegjit Universitar “Wisdom” bëjnë pjesë emra, të cilët kanë lënë gjurmë në histori, jo vetëm si akademikë, por edhe si profesionistë të shkëlqyer në fushën e drejtësisë, ekonomisë dhe shkencave sociale, gjë që i ka mundësuar studentëve të prekin nga afër raste studimore dhe praktika profesionale nga përvoja e gjatë dhe e suksesshme e pedagogëve.
Titullarë të ndryshëm të universiteteve shqiptare dhe të huaja kanë lektruar në auditoret tona, ndër të cilët ambasadori i mirënjohur dhe Rektori i parë i Kolegjit Universitar Wisdom, z.Paolo Foresti.
Jemi ndër të vetmit institucione të arsimit të lartë, që organizojmë cikle leksionesh periodike disa javore me profesorë vizitorë të huaj, në kuadër të marrëveshjes së bashkëpunimit të nënshkruar me “Qendrën Ndërkombëtare për studime ligjore”, CILS, Austri, që prej vitit 2010.
Jemi kujdesur që të ftojmë profesorët më të mirë të huaj në rajon dhe më gjerë. Përgjatë këtij viti akademik, studentët e Kolegjit Universitar “Wisdom” do të kenë mundësi të ndjekin leksione nga figura akademike ndërkombëtare, nga të cilët mund të përmendim:
Emilija Stoimenova Canevska, Proferore Doktore, Psikoterapiste me famë në rajon.
Lektore në Universitetin Ndërkombëtar të Maqedonisë dhe atë Maltës.
Ronald M. Nate, Ph.D. Profesori i ekonomisë nga Universiteti i Idaho-s, SHBA
Elisabeth Munisoglu, Profesoresha me titullin honorifik komisionere e gjykatës superiore të Los Angeles, njëkohësisht Anëtare e Dhomës së Avokatëve të shtetit të Kalifornisë, SHBA.
Kapaciteti akademik dhe profesional është mekanizmi, në të cilin Kolegji Universitar “Wisdom” ka investuar pa kursim, për të arritur objektivin më të rëndësishëm të tij, garantimin e një karriere të sigurtë për studentët.
