Projekti i fundit i Evi Reçit është i gjithi për femrat, këngëtarja merr mbështetjen e të gjithëve

Pas një kohe të gjatë këngëtarja e njohur, Evi Reçi, rikthehet me një projekt të ri muzikor. “Kur unë një gjë e du”, është kënga më e re e artistes e kompozuar nga Olsa Toqi, e cila ka vetëm një ditë që është publikuar. Tematika e këngës lidhet me fuqinë e femrës dhe besimin e tyre në vetvete pavarësisht opinionit të të tjerëve. Shumë artistë e kanë vlerësuar këtë projekt të këngëtares, ku një ndër to ka qenë dhe Aurela Gaçe e cila është shprehur se kjo këngë është fiks për të. Kujtojmë se Evi u largua nga muzika për disa kohë dhe u fokusua në botën e televizionit.