Pronarja e famshme e produkteve, Anastasia Beverly Hills, Anastasia Soare është me origjinë shqiptare dhe këtë e ka zbuluar grimierja, Vjosa Paçuku, e cila ka qenë e ftuar në emisionin e pasdites në ekranin e ‘Tv Klan’ me Rudina Magjistarin. Duke zbuluar detaje për punën e saj në sallonin e famshëm të bukurisë, pranë Anastasias, ajo ka treguar se 60-vjeçarja e ka marrë mënjanë kur Vjosa ka pohuar se ishte shqiptare.
“Kur e mori vesh që isha shqiptare më tërhoqi mënjanë dhe më tha: ‘Më vjen mirë që je shqiptare sepse dhe unë jam gjysmë shqiptare. Mamaja ime është nga Elbasani”, u shpreh Paçuku. Ajo shtoi se Anastasia nuk ja tregon të gjithëve origjinën e saj, por vetëm njerëzve më të afërt.
Vjosa zbuloi disa nga momentet e punës në sallonin ku ka grimuar Paris Hilton, Snoop Dog dhe personazhe të tjerë nga ‘Hollywood’, duke treguar detaje që publiku shqiptar nuk i kishte dëgjuar më parë./revistawho.com
