Provojnë për 20 vite të kenë një vajzë por i lindin 13 djem, çifti: Nuk do të ndalemi

Dëshirojnë shumë të kenë një vajzë por gjatë 20 viteve të martesës së tyre kanë arritur të bëjnë “vetëm” 13 djem. Irineu Cruz dhe gruaja e tij Jucicleide Silva janë një çift me origjinë nga Brazili. Në përpjekje për të pasur një vajzë, çifti tanimë gëzon një skuadër të vërtetë futbolli në shtëpi. Djemtë e tyre nisin nga i vogli 1 muajsh, tek i madhi 18 vjeç. Siç raporton “The Sun”, ata nuk kanë aspak ndërmend të nodale derisa të vijë në jetë vajza e tyre shumë e dëshiruar. “Tanimë burri im e ka bërë skuadrën e tij të futbollit. Uroj që herën tjetër të kem rast që më në fund t’i jap kartonin e kuq të stop-it”, ka thënë Jucicleide për “Sun”. Djemtë e tyre kanë të gjithë emra futbollistësh të famshëm si Ivaldo, Ruan, Ramon, Rincon e Riquelme.