Fytyra është një prej pjesëve të trupit që ka më shumë nevojë për kujdes. Për të pasur një lëkurë perfekte nuk është e thënë që të shpenzoni shuma të mëdha parash, pasi edhe me produktet që keni në shtëpi mund të krijoni maska shumë të mira.
Një herë në javë këshillohet që të aplikoni në fytyrë një maskë që ka në bazë të bardhën e vezës dhe disa pika limoni. Kjo maskë ndihmon në pastrimin e fytyrës dhe redukton yndyrën e tepërt.
Mjalti është një tjetër produkt që mund të përdoret në trajtë maske, për pastrimin e fytyrës. Ndihmon për largimin e mikrobeve, por edhe për të pastruar mbetjet e make up. Mund ta përdorni fare mirë dy herë në javë, ku duke e mbajtur për dhjetë minuta, do të përftoni dobi të shumta.
Kosi i kombinuar me të bardhën e vezës, ndihmon për të pasur gjithmonë lëkurë të pastër dhe të lëmuar, si dhe për të zhdukur rrudhat.
