Ka njerëz që për asnjë arsye në botë nuk heqin dorë nga vendimi për t’u bërë prind. Kështu, përtej vështirësive dhe pengesave, ata vazhdojnë të këmbëngulin për vite me radhë, ndonëse testet dalin negative për të disatën herë. Më pas ndodh mrekullia, vjen një fëmijë dhe jeta ndryshon përgjithmonë. Po sikur në vend të një fëmije të vinin 6 menjëherë?
Kjo i ka ndodhur një çifti në Virginia që për 17 vjet tentuan të kishin fëmijë e më pas erdhi surpriza. Në ekografitë e para u zbuluan 4 zemra të vogla që rrihnin. Ndërsa dy muaj më vonë ata mësuan se ishin 6. Ata ja dolën dhe nëna e re solli në jetë 3 djem dhe 3 vajza. Vogëlushët janë mirë por duke qenë se lindën para kohe, kanë problem me peshën e janë të gjithë nën kontroll, në terapi intensive. Në një intervistë për mediat nëna e tyre tha: “Shpresoj që më i vogli nga fëmijët e mi, një ditë të rritet e të thotë ‘shikoni, isha aq vogël e ja sa shumë u rrita’”./ revistawho.com
