Anastacia ka folur hapur për fiksimin e saj të madh ndaj botoksit dhe gjithashtu ka zbuluar arsyen se pse ka gënjyer për vite me radhë për moshën e saj.
Këngëtarja 47-vjeçare ka treguar se ka përdorur shume trajtime kozmetike gjatë të 30-tave të saj por kuptoi se duhet t’i jepte fund atyre pas divorcit të saj me ish-badigardin, Wayne Newton në 2010.
“Përdorja çmendurisht shumë Botoks në të tridhjetat e mia. Isha mësuar ta bëja çdo tre muaj por menjëherë pas divorcit, kuptova se duhet të hiqja dorë. Vetëm tani mund ta ndjej fytyrën time që lëviz”, ka thënë këngëtarja.
Anastacia gjithashtu ka shpjeguar arsyen se pse ajo ka gënjyer për moshën për vite me radhe, duke thënë se ishte 22, kur në fakt ishte 30. Këngëtarja ka treguar se në fillimet e karrierës së saj, ajo ishte e ftuar në një program televiziv që duhet të ishe më e vogël se 29 kështu që si pasojë ajo gënjeu që të pranohej të ishte pjesë e tij.
