Nëse i hedh një sy të shpejtë Instagramit të modeles Aurela Hoxha, është e vështirë të gjesh dy foto me të njëjtat bikini. Në ҫdo vend e në ҫdo plazh, Aurela ka rroba banje të reja… të gjitha të bukura, me ҫdo lloj modeli e ҫdo lloj ngjyre, shkruan “Class”. Por, ndryshe nga vitet e fundit, kur në profilet e saj sociale reklamonte veshjet e plazhit me emrin e saj edhe nëpërmjet mikeshave të ngushta, këtë vit këtë gjë nuk po e bën më. Arsyeja? Është shumë e thjeshtë: janë pothuaj të gjitha të shitura. Në një intervistë të fundit për gazetën “Paloma”, pyetjes nëse ka menduar për një kalendar me rrobat e banjës “Aurela Hoxha”, modelja i është përgjigjur: “Nuk e kam parë të nevojshme, tashmë u bën 3 vite në treg, ato janë reklamuar më së miri nga mikeshat e mia të ekranit, editorialet e Endrit Mërtirit dhe fotot e mia. Ka qenë një mënyrë origjinale dhe ka rezultuar e sukseshme. Tashmë, ato janë pothuajse të gjitha të shitura”, – tregon ajo. Kështu, nëse pëlqeni dhe do të donit ndonjë palë rroba banje që i ka veshur Aurela, kujtoni që tanimë nuk keni asnjë mundësi: i ka vetëm ajo.
