Ai është një këngëtar i ri por që po provon të eksperimentojë në shumë zhanre muzikore. Po flasim për këngëtarin nga Maqedonia, Lindon Berisha i cili fillimisht ka qenë pjesë e labelit “Brick Records” të Adrian Gaxhës, ndërsa aktualisht është duke synuar tregun e Kosovës. Lindoni është duke punuar me studion muzikore “Cricket”, që ka bërë muzikë për emra të njohur si Capital T, Majk, Getoar Selimi, etj.
Së fundmi nga kjo studio muzikore ka dalë në treg edhe dueti i ri i Argjentina Ramosaj dhe Vig Poppa. Lart e Poshtë ka mësuar se ky duet do të realizohej mes Ramosajt dhe Lindonit, por këngëtarja duket se ka hequr dorë në minutën e fundit.
“Ky projekt ka qëndruar në “stand-by”, derisa Argjentina ndryshoi planet. Por edhe unë po shoh planet e mia, pasi po e them ekskluzivisht për ju që shumë shpejt do të sjell një duet me reperin e njohur nga Kosova, 2Ton”, ka thënë Lindoni./revistawho.com
https://youtu.be/AZ9x58nxRMs
