Sipas ‘TMZ’, Dua Lipa nuk do marrë pjesë në “Met Gala”, eventi i këtij viti që do të zhvillohet në 13 shtator. Këngëtarja shqiptare nuk do t’i bashkohet pjesës tjetër të të ftuarve VIP më të njohur, për shkak të angazhimeve në aktrim.
Duke qenë se ka nisur prej disa ditësh xhirimet e filmit të saj të parë, e ka thuajse të pamundur prezencën në festën e shumëpritur.
Dua Lipa do debutojë për herë të parë në kinematografi me filmin “Argylle” që i përket kategorisë thriller. Ajo do të luajë krah: Henry Cavill, Sam Rockwell, Bryce Dallas Howard, Bryan Cranston, Catherine O’Hara, John Cena dhe Samuel L. Jackson.
“Argylle” bazohet në romanin e Ellie Conway, që mban të njëjtin titull dhe rrëfen historinë e spiunit numër 1 në botë dhe aventurat e tij. Detajet për personazhin e këngëtares akoma nuk dihen./revistawho.com
