Khloe Kardashian i është hakërryer të ëmës Kris Jenner për herë të parë për tradhtinë ndaj babait të saj të ndjerë Robert Kardashian.
Kris dhe Robert Kardashian u divorcuan në vitin 1991 pasi ajo vetë pranoi se kishte pasur një lidhje me futbollistin Todd Waterman në vitin 1989.
“Mendoj se të qenit vërtet e re dhe budallaqe është diçka që ndikon, sepse nuk i kupton vërtet pasojat e veprimeve të tua,” tha ajo në serinë e “Kardashians”.
“Por çfarë nuk po bënte babai im që të bëri të kërkoje diku tjetër?” e pyet sërish Khloé.
“Mendoj se rashë në një situatë ku mendova se bari ishte më i gjelbër nga ana tjetër e gardhit…”
Kris pranoi se tradhtia ndaj ish-burrit të saj, tashmë të ndjerë, është pendesa më e madhe e jetës së saj.








