Ishte një nga konkurrentët më të fortë brenda shtëpisë së “Big Brother”, madje për shumëkënd mund të ishte edhe fituesi i këtij edicioni të nëntë. Por, brenda një jave gjithçka u kthye përmbys për Damianon, i cili të shtunën që lamë pas u skualifikua nga loja. Një video e publikuar nga miqtë e tij më të afërt, e më pas shkëmbimi i mesazheve private me Vesel Kurtishajn u bërë shkak i këtij eliminimi, për të cilin “Big Brother” tha se ishte thyerje e patolerueshme rregullash.
Por pse e tradhtuan shokët e tij më të afërt Damianon, duke i publikuar ato që e penalizuan atë?
Vetë ish-konkurrenti i “Big Brother” ka sqaruar të vërtetën. Në një status në Facebook, Damiano shpjegon gjithçka për këtë “tradhti”.
“Nuk ka patur asnjë “shitje” nga ana e miqve të mi, as nga e ashtuquajtura “e dashura ime”. Besoj se kush ka logjik e kupton situatën. U krijua përshtypja sikur Vesel Kurtishaj më kishte instruktuar mua, por në fakt, ajo që keni parë dhe lexuar ka ndodhur spontanisht në izolim.Unë isha si një i etur për një “pik” ujë në shkretëtirë ato ditë në izolim. Duke ditur që nuk e dija se çfarë do ndodhte me mua në izolim, unë duhet të lajmëroja miqtë e mi, familjen time që isha mirë. Dhe kushdo në vendin tim do vepronte ashtu. Megjithatë unë kam karakter të mbaj përgjegjësitë e mia. Por ju lutem, nëse më keni njohur për djal të fortë, të drejtë, e sinqertë, në asnjë minutë nuk duhet të dyshoni për miqtë e mi. Vetëm dashuri dhe lumuturi ju uroj, secilit prej jush që më ka mbështetur. ❤❤❤”, shkruan Damiano në Instagram./xing.al
