Pse “Hell’s Kitchen” është sensacioni i momentit në Shqipëri?

“Hell’s Kitchen” është një format i ri i cili prej pak javësh ka filluar transmetimin në “Top Channel”. Marrë si një patentë e huaj, emisioni konsiston në një numër të caktuar konkurentësh që garojnë duke punuar në skuadër, për të fituar çmimin e parë si kuzhinieri më i mirë.
Ky format përflitet si një ndër më të ndjekurit e momentit. Nga disa lavdërohet e të tjerë kritikohet, por duhet thënë se “Hell’s Kitchen” po bën namin me audiencën. RevistaWho.Com ka renditur disa prej arsyeve që e bëjnë këtë ‘reality show’ ndër më të ndjekurit në vend e po ashtu ndër më të komentuarit. Së pari është një format i veçantë, përsa i përket gatimit. Ai ngjason me “Big Brother”, sepse është një ‘reality show’, por thelbi është totalisht ndryshe. Përgjithësisht emisionet e gatimit në Shqipëri kanë pasur një stukturë formale dhe të ngjashme, por jo “Hell’s Kitchen”. Kjo është një garë e veçantë.
Së dyti konkurrentët vijnë nga ‘background’-e të ndryshëm dhe përfaqësojnë kategori të ndryshme njerëzish.
Së treti ka një shumëllojshmëri gatimesh të servirura prej tyre.
Së katërti: Ndoshta është show dhe shumë situata i përkasin atij, por brenda asaj kuzhine serviret ushqim i vërtetë për klientët dhe mësohet rreptësisht puna në grup dhe të funksionuarit si një skuadër e vërtetë restoranti.
Së pesti dhe më i rëndësishmi është shef Renato. Duhet thënë se karakteri i tij është i nevojshëm në një format të tillë për t’i dhënë grintën dhe energjinë e duhur emisionit. Për të mos përmendur pastaj anën e tij profesionale, e cila është nga më të vlerësuarat e momentit.
Ndoshta është nga herët e para që audienca sheh thyerje pjatash, të ulëritura, hedhje ushqimi në kosh apo dhe përjashtime nga kuzhina. Por a nuk janë këto tipike për një punë në skuadër në një restorant elitar dhe ku çdokush duhet të punojë fort për të servirur më të mirën?