Ndërkohë që Kanye West dhe Kim Kardashian po festonin ‘Shën Valentinin’ në mënyrë madhështore, lojtarja e tenisit Serena Williams dhe bashkëshorti i saj Alexis Ohanian nuk kanë bërë asnjë përpjekje për të festuar këtë ditë. Serena ka zbuluar në ‘Twitter-in’ e saj se në vend që të festonte ditën e të dashuruarve, ajo ka vendosur ta kalojë me mikeshat e saj.
“Unë nuk e festoj ‘Shën Valentinin’, kështu që ishte diçka e bukur të kaloja një ditë me vajzat. @alexisohanian është 1 në 1 milion që më mirëkupton. Jam kaq me fat që ai i kupton dhe i respekton besimet e mia”, ka shkruar ajo në postimin e fundit. Ka shumë njerëz që nuk e festojnë 14 shkurtin pasi mendojnë se është diçka fallco, megjithatë arsyet e Serenës kanë qenë në lidhje me besimet e saj fetare. Ajo është një besimtare e Jehovait, që do të thotë se disa festa, si përshembull ‘Shën Valentini’, janë të ndaluara për të. Edhe pse bashkëshorti i saj nuk ndan të njëjtin besim, ai është shumë i kuptueshëm./revistawho.com
