Shawn Mendes dhe Camila Cabello janë fotografuar shumë herë në shoqërinë e njëri-tjetrit, por ata nuk e ndjejnë të nevojshme që t’ia shpjegojnë të tjerëve romancën që kanë mes tyre. Një burim i afërt me dy këngëtarët zbuloi se ata dëshirojnë që detajet e lidhjes së tyre t’i mbajnë private dhe larg syrit të publikut.
“Ata nuk kanë nevojë të bëjnë asgjë zyrtare për publikun, pasi lidhjen e tyre e konsiderojnë zyrtare tashmë. Shawn dhe Camila po kalojnë bukur pranë njëri-tjetrit duke shijuar çdo moment plot dashuri”, ka pohuar po i njëjti burim.
Kujtojmë se thashethemet se mes tyre ka një romancë nisën në momentin kur dyshja solli në treg bashkëpunimin e tyre muzikor me titull ‘Senorita’. Gjithçka u konfirmua në datë 29 korrik kur Mendes dhe Cabello u fotografuan së bashku në një pishinë në Miami teksa përqafoheshin./revistawho.com
