Cristiano Ronaldo dhe Georgina Rodriguez janë një nga çiftet më të përfolura në botën e showbiz-it dhe sportit. Të lidhur që nga viti 2016, ata kanë krijuar një familje të madhe, por ende nuk kanë bërë hapin drejt martesës – një temë që ka shkaktuar spekulime të shumta.
Në dokumentarin e saj në Netflix, “I Am Georgina”, futbollisti portugez ka shpjeguar qasjen e tyre ndaj martesës, duke lënë të kuptohet se është vetëm çështje kohe:
“Mund të ndodhë brenda një viti, në gjashtë muaj ose në një muaj. Jam 1000% i sigurt se do të ndodhë”, është shprehur ai.
Ndërkohë, Georgina ka treguar me humor se miqtë e saj shpesh i kujtojnë këngën e Jennifer Lopez, “The Ring”, duke e pyetur kur do të vijë unaza e shumëpritur.
Thashethemet për një martesë të mundshme u shtuan edhe më shumë kur Ronaldo, gjatë një fjalimi në “Globe Soccer Awards”, iu referua Georginës si “gruaja ime”, çka ngriti dyshime se çifti mund të jetë martuar në fshehtësi.
Ata kanë dy vajza së bashku, Alana Martina dhe Bella Esmeralda, ndërsa Georgina luan një rol të rëndësishëm edhe në jetën e tre fëmijëve të tjerë të Ronaldos: Cristiano Jr., si dhe binjakëve Eva dhe Mateo. Raportet sugjerojnë se ajo është regjistruar ligjërisht si nëna e të pesë fëmijëve, një fakt që ka forcuar bindjen se martesa mes tyre është vetëm çështje kohe.
