Pasi babai i saj u nda nga jeta, Enca vijoi me jetën dhe aktivitetet e saj. Kjo gjë nuk u prit mirë nga ndjekësit e saj. Ajo sqaroi së fundmi se preferon ta mbajë larg Instagram-it dhimbjen e saj.
E pyetur për gjendjen e saj shpirtërore pas humbjes së të atit, këngëtarja u përgjigj: “Të tregohem e sinqetë, shumë e miksuar. Sidomos këto ditë që kam pasur më shumë kohë ‘t’i ndjej ndjenjat e mia”. Ajo i është përgjigjur edhe një prej ndjekësve, që e pyet sesi nxjerr foto e lumtur pasi humbu njeriun më të shtrenjtë.
“Hera e parë dhe e fundit që flas për këtë temë këtu. Askush nuk e di se çfarë ndodh pas Instagram-it, sesi i përjetoj unë dhe familja ime gjërat dhe askujt nuk i intereson/dhemb për atë temë më shumë se mua, ndaj në të vërtetë nuk i detyrohem askujt asnjë përgjigje, por meqë ma pyetët shpesh.
Jam shumë reale me ju, por gjërat që janë më me vlerë për mua s’do t’i trajtoja kurrë si tema Instagram-i.
Instagram-i nuk është jeta ime, është një pjesë e saj. Unë zgjedh të ndaj gjërat e bukura, motivuese dhe artistike këtu dhe kaq.
I vlerësoj shumë dashurinë dhe ngushëllimet dhe zgjedh të injoroj negativitetin dhe injorancën. Paqe”, u përgjigj ajo.
