Damiano është një nga banorët më të përfolur të këtij edicioni të 9 të ‘Big Brother Albania’, por njëkohësisht edhe më i sulmuari nga portalet shqiptare. Ai tërhoqi fillimisht vëmendjen për shkeljen e rregullave në ditën e parë, për debatet që krijoi aty por edhe për historinë e jetës që rrëfeu. Por, disa prej portaleve shqiptare, me herët shkruan se Damiano ishte i favorizuar nga produksioni dhe gjatë daljes së tij nga loja dhe izolimit në pritje të vendimit të publikut ai komunikonte me Vesel Kurtishajn, fituesin e ‘BB8’. Ky izolim ka ndodhur gjatë kohës që Donjeta, ish-partnerja e Damianos vendosi të braktiste lojën. Nga produksioni u vendos që të ishte publiku ai që të vendoste nëse Damiano duhej të vazhdonte lojën apo jo, me gjasa nisur nga komentet e shumta që vinin në profilin zyrtar të këtij formati për qëndrimin e këtij banori. Gjatë së shtunës, më 1 prill, publiku vendosi që Damiano të rikthehej në lojë. Ai u rivendos në ‘shtëpinë e beqarëve’ ku pas dinamikave të së cilës, publiku vendosi ta çiftonte atë me Armelën.
Ishte vet Vesel Kurtishaj ai që mohoi këtë komunikim me Damianon edhe pse pranoi se ata janë miq bashkë, gjë të cilën e dëshmojnë fundja edhe fotot që Veseli ka postuar më herët me banorin.
Me herët u publikuan edhe disa mesazhe të tjera nga Indrit Murati i cili thoshte se Olti Curri kishte favorizuar futjen e Damianos në këtë format, por opinionisti e mohoi këtë gjë duke zbuluar edhe faktin se Indrit Murati kishte qënë një pretendent për tu futur në lojë si çift, por për shkak të një problemi me të dashurën, ajo braktisi këtë rrugëtim ende pa nisur, e si pasojë penalizoi edhe partnerin, Muratin. U publikuan gjithashtu disa foto nga ‘JOQ’ sipas së cilëve dërguesi donte të ‘denonconte’ një lloj ‘biznesi’ që po bëhej për të favorizuar Damianon. Sipas po të njëjtave foto dhe mesazhe, dikush i kërkonte dërguesit që të përfitonte 70 euro në javë në këmbim që të hapte 10 profile fallco dhe të komentonte me to se Damiano dhe Armela do të ishin fitues.
Ne fund gjithçka mbetet e paverifikueshme deri nē momentin kur Damiano apo vet produksioni të flasi pasi gjithçka vjen nga mesazh dërgues anonim.
Natyrshëm lind pyetja nëse duhen besuar apo Damiano po sulmohet dhe po ndodh një fushatë kundër tij sepse shihet si pretendent kryesor për çmimin e madh?/xing.al
