Princeshat e Disney i admironim teksa rriteshim, por karakteri dhe sjellja nuk janë të vetmet gjëra që i bashkojnë. Ngjyra blu është gjithashtu një karakteristikë që i bashkon shumicën prej tyre, Princeshë Bela, Hirushja, Jasmina, Ariel, Elsa etj janë të veshura me blu. Por kjo nuk është koiçidencë. Specialistja e ngjyrave Leatrice Eiseman ka treguar për “Allure” se arsyeja është fuqia e femrave. “Duke e veshur karakterin me blu ti i jep fuqi. Duket gjë e thjeshtë, por vajzat e reja fuqizohen me këtë ide.” Dhe po të ndjekim arsyetimin e specialistes na rezulton i drejtë. Jasmina arratiset nga kthetrat e Xhafarit, Bela është aventuriere dhe Hirushja sfidon njerkën duke shkuar në ballo. Gjithashtu shkon kundër përputhjes së ngjyrave me gjininë duke vendosur kështu se blu nuk është vetëm për djem. Një arsye tjetër pse blu është ngjyra më e përhapur tek princeshat është sepse është ngjyra e qiellit dhe simbolizon pozitivitetin dhe shpresën./revistawho.com
