Kiara Tito ka zgjedhur të flasë pa filtra për reagimet që pasuan daljen e saj në ekran, pas prezantimit që Luizi i bëri në nisje të “Fan Club Big Brother VIP”. E ftuar në emisionin “Wake Up”, moderatorja sqaroi se momenti i shumëkomentuar është interpretuar ndryshe nga ajo që realisht ka ndodhur.
Duke treguar si e përjetoi situatën, Kiara theksoi se reagimi i Luizit ishte spontan dhe aspak i lidhur me idenë e “mbrojtjes” që u përhap në rrjet.
“Në fakt, isha me dorë në zemër në momentin që doli Luizi duke e ditur dhe natyrën e tij spontane. Por jo, në fakt ishte një gjë shumë e bukur. Për disa mund të duket ndoshta një gjë… Pse ndodhi? Mund të kenë pyetur veten pse e mori Luizi për mbrojtje e të tjerë. Por kjo nuk ka lidhje fare me mbrojtjen, sepse ai në ato momente nuk shprehu mbrojtje nga ana e televizionit apo e diçkaje tjetër.”
Një tjetër pjesë e prezantimit që ngjalli diskutime ishte përshkrimi simbolik që Luizi i bëri Kiarës duke thënë se “shumë janë munduar t’ja shuajnë dritën”, të cilin ajo e shpjegoi si një mesazh të drejtpërdrejtë për kritikët e vazhdueshëm online.
“Ishte thjesht një thirrje për ato komente që ne, në një farë mënyre, kemi diskutuar edhe në rrjetet sociale që janë gjatë gjithë kohës duke kritikuar, duke prishur punë në një farë mënyre edhe me familjen, se mirë që s’i pëlqejmë të gjithëve, dakord. Ishte një thirrje për ta dhe ishte një gjë ndryshe nga çfarë është parë zakonisht.”
Në fund, Kiara u ndal te ideja që një grua duhet apo jo të ketë dikë “që e mbron”, duke qenë e qartë në qëndrimin e saj, por pa e demonizuar mbështetjen në çift.
“Nuk ka kuptim që unë të marr burrin për të më mbrojtur, s’ka lidhje fare. Po edhe sikur ta bëja, do ishte diçka normale.”
