Vetëm pak ditë më parë nëna e Bleonës bëri me dije për publikun se kishte rënë në gjurmët e Bleonës. Një emigrant shqiptar i cili banon në Angli i ka bërë me dije Bukurie Veizit se ka parë Bleonën duke pretenduar se e vogla jeton në Angli.
Nëna e Bleona Mataj kërkon ndihmën e publikut për identifikimin e disa fotove ku dyshohet të jetë vajza e saj e zhdukur 6 vite më parë.
Ajo shprehet se në foto është vajza e saj Bleona. Sipas saj vendodhja e Bleonës është Londra. Fillimisht vajza ka qenë në Shqipëri, më pas ka kaluar në Greqi dhe prej andëj në Maqedoni.
Maqedonasi që mban aktualisht Bleonën në Londër ka kërkuar 20 mijë euro që t’i kthejë vajzën. Mbetet vetëm që Prokuroria dhe Policia të verifikojnë këto foto nëse vajza është Bleona Mata.
