Pak minuta më parë është publikuar klipi zyrtar i këngës përfaqësuese të Shqipërisë në ‘Eurosong 2019’. Kënga ‘Ktheju Tokës’ e kënduar nga Jonida Maliqi, rrëmbeu vendin e parë në ‘Festivalin e RTSH-ës’ duke u kualifikuar automatikisht për pjesmarrjen në festivalin europian.
I shumëpritur nga fansat, klipi i këngës nuk zhgënjeu askënd. I realizuar në mënyrë shumë speciale dhe artistike, kjo këngë pritet të marrë shumë mbështetje edhe përtej kufijve. Në postimin e bërë në ‘Instagram’, Jonida ka shpjeguar se ky klip është vetëm një parantezë e performancës që do shfaqet në festival duke lënë të kuptohet se një suprizë akoma më e madhe po vjen.
https://www.instagram.com/p/Bu1v576nkxT/?fbclid=IwAR3BhazRtXECBQHM2B2r0qg0bCeT5jWfuM15C99VJNAgk5Nmxea15rCcioo
Krahas postimit nuk munguan as falenderimet për të gjithë bashkëpuntorët. Këtë vit ‘Eurovizion’ do të mbahet në Tel Aviv. / revistawho.com
