Jemi në muajin gusht por Mbretëria e Bashkuar duket se e ka vendosur që tani kush janë të famshmit e veshur më mirë të vitit 2018. Lista është mjaft e gjatë dhe kryesohet nga familja mbretërore. Mbretëresha Elizabeth, Dukesha e Kembrixhit dhe Dukesha e Sussex renditen në tre vendet e para dhe kjo nuk është aspak rastësi.
Revista, “Evening Standard”, e konsideron Mbretëreshën si “e veshura më mirë”, për shkak të ngjyrave të forta dhe printimeve me lule. Kate Middleton, tashmë është një ikonë botërore mode, jo vetëm e Mbretërisë së Bashkuar. Ndërsa Meghan Markle, arriti të futej në listë me fustanin e saj përrallor të dasmës.
Pjesë e listës është bërë edhe këngëtarja me origjinë shqiptare Dua Lipa e cila renditet në vendin e katërt./revistawho.com
