“Unë dhe ti”, projekti më i ri i Alban Skënderajt, prej dy muajsh tashmë vijon promovimin nga këngëtari brenda dhe jashtë vendit. Pas publikimit të këngës, më 14 shkurt, Albani ka nisur disa koncerte për të promovuar këngën e re në vende të ndryshme. Një javë më parë, suksesi i Albanit është përsëritur edhe në SHBA, ku kantautori ka kënduar për të gjithë shqiptarët atje. Së bashku me Elhaida Danin, Albani ka dhënë disa koncerte në të cilat është mirëpritur nga publiku shqiptar. Por nëse për suksesin e këngëtarit nuk ka më asnjë dyshim, të gjithë janë kureshtarë për pagesën që ka marrë kantautori. Siç shkruan Express, duke cituar burime të afërta me këngëtarin, shifra e fundit për Albanin mendohet të jetë 7mijë dollarë për një concert, vlerë me të cilën është shpërblyer pas koncertit në Amerikë. Edhe pse asgjë nuk është e sigurt, të gjithë e dinë që Albani është një ndër këngëtarët më të suksesshëm, më të kërkuar dhe më të paguar në trevat shqipfolëse. (revistaclass.al)
Publikohet shifra, ja sa merr Alban Skënderaj për një koncert
