Prej ditësh pritet të nisë emisioni më i ri në ekranin e ‘Tring’, në moderimin e Bora Zemanit. Këtë herë do të transmetohet një program i lidhur vetëm me modën, i cili do të quhet “Albanian Designer Competition”. Në këtë ‘reality show’ 10 stilistë të rinj do të garojnë me njëri tjetrin për të prezantuar veshje të krijuara prej tyre. Ardi Asllani do të jetë mentori i këtyre 10 konkurrentëve që do të marrin pjesë në program. Pak ditë më parë u bë e ditur se pjesë e jurisë do të jetë edhe këngëtarja Jonida Maliqi, e cila ditën e sotme ka publikuar edhe spotin e emisionit. Ky program pritet të nisë trasmetimin e tij në 1 nëntor. Kujtojmë se në fund fituesi do të marrë një atelie me qera dhe do ta ketë për një vit të paguar.
https://www.instagram.com/p/B3300i4HKZT/
