Era Istrefi është një ndër shqiptaret që na bën krenare në mbarë botën, sepse fama e saj i ka tejkaluar kufijtë prej kohësh. Këngëtarja ka bashkëpunuar me emrat më të njohur të muzikës botërore dhe është ftuar për të marrë pjesë në disa nga koncertet më të ndjekur. Ditën e sotme Era do të jetë e pranishme në Athinë për të performuar në festivalin e njohur ‘Colour Day Festival’.
Këngëtarja shqiptare do të performojë përkrah emrave të njohur të muzikës greke dhe jo vetëm, duke shënuar në këtë mënyrë një tjetër sukses në karrierën e saj. Era ka publikuar në ‘Instagram’ një video në të cilën shihet duke kërcyer në provat gjenerale së bashku me disa balerina nën ritmet e këngës së saj dhe Nora Istrefit “Nuk e di”.
Këngëtarja do të ngjitet në skenë për të kënduar disa nga hitet e saj më të njohura, një ndër ta “Bon Bon” që i dha famën ndërkombëtare. Në ‘Colour Day Festival’ do të ketë edhe të tjerë artistë me origjinë shqiptare shumë të njohur në Greqi si Eleni Foureira dhe Claydee. Era Istrefi është e para artiste shqiptare që merr pjesë në ‘Colur Day Festival’ të Athinës. /revistawho.com
