Një postim i papritur nga ish-banori i Big Brother VIP Kosova, Labinot Rexha, ka ngritur temperaturat në rrjet që në orët e para të mëngjesit. Në një InstaStory me sfond të kuq, ai shkruan: “Miqt e mi, nde nuk keni parë asgjë. Nesër në 8:30 publiku do të tronditet nga BOMBA e radhës. Kësaj here do të jetë SHKATËRRUESE.” Mesazhi, i drejtpërdrejtë dhe pa asnjë detaj shtesë, ka lënë ndjekësit mes kuriozitetit dhe spekulimeve për natyrën e publikimit që pritet të bëhet sot në orën 20:30.
Pa dhënë asnjë sqarim nëse bëhet fjalë për projekt muzikor, deklaratë personale apo zhvillim tjetër publik, ish-banori ka zgjedhur gjuhën e fortë dhe dramatike, duke e cilësuar njoftimin si “bombë” dhe “shkatërruese”. Strategji tipike e figurave publike për të krijuar pritshmëri maksimale, por që këtë herë duket se ka funksionuar. Rrjeti po pret me sy nga ora e paralajmëruar, ndërsa çdo lëvizje e tij online po ndiqet në kohë reale.
