Pak ditë më parë vëllezërit korçarë, Endri dhe Stefi Prifti kanë publikuar projektin e tyre më të ri, këngën “Emigranti”.
Duket se ky produksion është pëlqyer shumë nga publiku dhe siç është bërë zakon, fansat e tyre u dërgojnë video duke e kënduar këngën, me dëshirën që ato të publikohen. Kjo është një mënyrë e cila përdoret në masë nga shumica e artistëve shqiptar për të promovuar këngët e tyre, si një mënyrë shumë e mirë marketimi.
Por, vëllezërit korçarë nuk janë pro kësaj metode. Ka qenë pikërisht Endri i cili nëpërmjet një statusi të publikuar në llogarinë e tij personale në “Instagram”, krahas falenderimeve ka theksuar se nuk do i postoj kurrë videot që ata i kanë dërguar duke kënduar këngën e tyre.
“Doja të bëja një falenderim shumë të madh, për të gjithë ju që më dërgoni në inbox videot tuaja për të gjitha këngët tona dhe kryesisht për këngën e re, që janë pa fund nga gjithë bota, por dua të më falni për mos përcjelljen e tyre në faqet tona. Nuk e kam përdorur dhe nuk do e përdor këtë gjë. Nuk më duket diçka që duhet ta bëj. Ju i bëni sepse i ndjeni dhe unë ju falenderoj me zemër. Ju dua të gjithëve”- ka shkruar Endri./revistawho.com
https://www.instagram.com/p/BkLqaYLAepT/?utm_source=ig_share_sheet&igshid=10l00nqw2qb7t
