Dy artistët e njohur shqiptarë Fifi dhe Mc Kresha janë bërë bashkë për të konkurruar në edicionin e 20 të “Kënga Magjike”. Kënga e tyre “Psikopatja ime” vetëm 4 ditë pas publikimit ka korrur shumë sukses dhe i ka kaluar 2 milionë klikime në ‘Youtube’. Në një intervistë të dhënë së fundmi për emisionin “Mirage” Fifi dhe Mc Kresha kanë zbuluar detaje rreth këtij bashkëpunimi, ku treguan se ai që i bëri bashkë në projekt ishte Ardit Gjebrea.
Përveç muzikës dhe tekstit, ky projekt tërhoqi vëmendjen e fansave edhe për shkak të titullit. Përgjatë intervistës Fifi zbuloi se ka zgjedhur këtë, pasi është shumë aktual dhe përshtatet shumë me femrat.
“Ka qenë një koment ku më kanë shkruar se titulli i këngës është pa lidhje dhe kënga bie në kontraditë me veten. Por kjo nuk është e vërtetë. Ajo nuk bie në kontraditë me veten sepse secila femër e kontrollon burrin e saj. Nuk ka femër në botë që nuk i shkon pas burrit të saj. Nuk ka femër në botë që nuk i dërgon shoqet pas për ta kontrolluar se ku po shkon. Përveç kësaj të gjitha femrat mendojnë nëse e duan mashkullin me të cilin janë apo jo”,- tregoi këngëtarja.
Gjithashtu Fifi rrëfeu se tekstin e këngës e ka shkruar vetë në një moment të jetës së saj kur nuk e dinte se çfarë kërkonte./revistawho.com
