Gjatë muajit që lamë pas, u bë e ditur për mediat se vajza e aktorit të njohur Vandamme, Bianca, kishte zgjedhur 2 artistë shqiptarë për të bashkëpunuar në setin e saj të fundit fotografik. Pranë modeles ndodhej fotografi i njohur, Eugenio Qose dhe artistja e ‘make up-it’, Lili Ismaili. Në datën 6 të muajit prill është publikuar kopertina e revistës së njohur italiane ‘Velvet’, ku evidentohet dhe puna e dy artistëve shqiptarë. Megjithatë, kjo nuk është hera e parë që Eugenio realizon kopertinën e revistës ‘Velvet’, pasi ai ka bashkëpunuar dhe më parë me stilistë të njohur. Bianca duket se nuk ka ndërmend t’i ndahet punës së artistëve shqiptarë, sidomos pas besimit që ka krijuar tek Eugenio dhe Lili. Më në fund, talenti i shqiptarëve po fillon të vlerësohet nga revista të njohura ndërkombëtare dhe ky sukses i Eugenios dhe Lilit është shembulli perfekt./revistawho.com
