Shumë herë mund të keni ëndërruar pushime në Maldive, pranë detit të kaltër dhe rërës së bardhë. Megjithatë nuk duhet të ëndërroni tepër, sepse Lori dhe Sara Hoxha na i kanë sjellë Maldivet më afër se kurrë. Mund të themi se motrat Hoxha janë ndër të paktat që nuk humbasin asnjë lloj mundësie për të shijuar disa ditë pushimi në vendet më ekzotike në botë. Këtë herë janë bërë të dyja bashkë dhe mund të themi se ato dinë realisht t’u japin ngjyrë pushimeve.
Të bësh disa fotografi në Maldive dihet që do dalin thjesht një mrekulli, por Lori dhe Sara duket se u japin një efekt ndryshe. Lori stërvitet vazhdimisht në palestër dhe mund të themi se ka krijuar linja perfekte trupore, por edhe Sara, pavarësisht se është nënë e një djali nuk mbetet pas.
Madje dhe rrobat e banjove që kanë përzgjedhur duken si një model minimalist, por mund të themi se janë ndër më të veçantët. Madje në fytyrat e dy motrave lexohet fare qartë se këto pushime po i shijojnë në maksimum dhe fundja pas një pune intensive dhe angazhimeve mjaft impenjative duhet thënë se realisht i meritojnë. /revistawho.com
