Vera është koha perfekte për t’u relaksuar dhe për të qendruar larg aktivitetit dhe stresit të përditshëm. Megjithatë kjo nuk vlen aspak për nënat me fëmijë, të cilat si me pushime dhe pa pushime duhet të kujdesen në çdo kohë për të vegjlit e tyre. Këtë gjë e ka demonstruar më së miri edhe Amarda Toska. Mesa duket familja Mamaqi ka nisur pushimet, por mami Ami nuk po i “shijon” aq sa duhet. Ajo ka publikuar në ‘Instagram’ një foto në të cilën shihet e shtrirë përpara një pishine duke marrë rreze dielli. Por ajo ka zbuluar një detaj, ku duket se në këmbët e saj ka ngleur shenja e shapkave me gisht.
Duke qenë se tani në shtëpinë e tyre janë dy fëmijë, me siguri Amarda duhet të jetë në lëvizje gjatë gjithë kohës për kujdesin e Joelit dhe të Sias së vogël dhe prandaj nuk i del as koha të ulet e të qëndrojë pa shapka. Me siguri në këtë postim të gjitha nënat e gjejnë veten dhe të paktën “ngushëllohen” se nuk janë të vetme që edhe për pushime nuk mund të qetësohen sikur vetëm për pak çaste. /revistawho.com
