Filmi “The Goodfather”, ka mbushur plot 50 vjet. Vila ku është realizuar filmi në Staten Island në Nju-Jork është tashmë e disponueshme në Airbnb. Adhuruesit e filmave mund të rezervojnë për muajin gusht për të qëndruar në shtëpinë e “Kumbarit”. Rezervimet hapen javën që vjen dhe të gjithë mund të rezervojnë në “Airbnb”.
Edhe pse pjesa e brendshme nuk përdorej për xhirime, pjesa e jashtme e shtëpisë u shfaq në disa skena të filmit.
E ndërtuar në vitin 1930, vila ka një sipërfaqe prej mbi 1000 metra katrorë dhe ka pesë dhoma gjumi dhe shtatë banja, si dhe një pishinë të madhe me ujë deti, një tavernë me pije, një dhomë lojërash dhe një palestër, ideale për të kaluar ditët e verës së bashku.
