Duket se këtë sezon veror Rita Ora po e shijon në maksimum. Në fillim të muajit qershor ajo ndali për disa ditë pushime në Toscana të Italisë, së bashku me të dashurin e saj Andrew Watt. Pas kësaj, gjatë javës së parë të korrikut, bashkë me familjen këngëtarja kaloi disa momente të këndshme në brigjet franceze.
Ndërsa së fundmi ajo është fotografuar duke udhëtuar me një jaht luksoz në ujërat e Barcelonës, në Spanjë. Por ndryshe nga herët e tjera, këtë radhë e shoqëronin disa nga miqtë e saj më të mirë. Ajo që është vënë re është se, këngëtarja me origjinë shqiptare gjithmonë ka qenë në formë perfekte fizike.
Madje për të memorizuar këto momente kënaqësie me miqtë Rita nuk ka nguruar të shkrepë edhe disa fotografi. Gjithashtu duket se edhe në plazh ajo është shumë e fiksuar pas modës, saqë nuk i kanë mjaftuar vetëm një palë rroba banje, por brenda pak orësh është ndërruar dy herë. /revistawho.com
