Alketa Vejsiu ka udhëtuar shpesh kohët e fundit drejt Italisë, pas eksperiencës së saj në ‘Sanremo 2020’. Moderatorja ka qenë disa here prezente atje duke dhënë intervista të ndryshme, duke vazhduar kështu ëndrrën për të qenë pjesë e ekranit italian. Megjithatë pas mbarimit të puntatës së fundit të ‘Në kurthin e Piter Pan’, Vejsiu ka udhëtuar menjëherë për të pushuar në alpet italiane.
Ndonëse Italia është shpallur një nga zonat me rrezik të virusit ‘Corona Virus’, duket se Alketa nuk është ndikuar aspak nga kjo gjendje. Ajo ka ndarë edhe disa video në ‘Instastory’, ku duket se po shijon pishinat e nxehta dhe dëborën nëpër alpe.
Me siguri ky pushim i Alketës do të jetë i shkurtër, pasi ditën e hënë rikthehet puntata e radhës së programit për fëmijë./revistawho.com
