Kjo verë për David dhe Victoria Beckham duhet të ketë qenë një ndër më të bukurat, për shkak të udhëtimeve të tyre dhe kohës së kaluar bashkë me fëmijët. Këto ditë të fundit e kemi parë se atyre u është bashkuar edhe miku i tyre, këngëtari i njohur, Elton John. I gjithë grupi është parë duke pushuar në një nga ishujt më bukur në jug të Francës, Île Sainte-Marguerite. Pavarësisht se dukeshin të veshur shumë thjesht, duhet thënë se veshjet e Beckham-ve kapin shifra marramendëse. Duke qenë se Victoria njihet si ikonë e modës, sigurisht që edhe në këto ditë nuk kishte si të mos vishej me emrat e dizajnerave më të njohur. Fundi që kishte veshur i përkiste firmës së saj dhe kushton rreth 1.190 paund.
Gjithashtu ajo mbante një çantë dore ‘Dior’, e cila kushton plot 2.100 paund. Edhe bashkëshorti i saj, David Beckham nuk mbetet pas, sepse edhe çanta e tij ‘Louis Vuitton’ kap shifra prej 1.880 paund. Çifti i njohur ishin kujdesur që edhe fëmijët e tyre të ishin të veshur me trendet më të fundit dhe me veshjet me çmimet më të larta. /revistawho.com
