Shumica e personazheve të njohur kanë zgjedhur që pushimet e tyre t’i kalojnë pranë detit dhe një pjesë shumë e vogël në mal. Këto ditë me siguri të gjithëve u kanë shërbyer për t’u relaksuar dhe për të nisur punën me energji të reja. Është një personazh që ndryshe nga të tjerët ka vendosur që këto ditët e fundit t’i kalojë në një vend shumë të veçantë të Shqipërisë. Bëhet fjalë për Rovena Dilon, e cila ka vendosur që disa ditë pushimi t’i kalojë në Përmet. Përveçse njihet si qyteti i luleve, Përmeti është shumë i famshëm edhe për vaskat termale në Bënjë. Këto vaska janë shumë të dobishme për shëndetin, duke qenë se shërbejnë për të kuruar të gjitha problemet me zemrën, veshkat apo stomakun. Nga fotografitë e publikuara në ‘Instagram’ Rovena duket se i ka shijuar vërtet shumë ditët e kaluar atje dhe madje i ka ftuar të gjithë ta zgjedhin Përmetin më shpesh si destinacion të pushimeve të tyre. /revistawho.com
