Salsano Rrapi dhe Erjona Kakeli janë një prej çifteve më të dashura të ekranit. Ata janë prindër të dy fëmijëve dhe janë munduar që ta mbajnë jetën personale larg vëmendjes së publikut.
Së fundmi, ka qenë Salsano që ka ndarë disa detaje më shumë rreth historisë së tyre të dashurisë për “Top Albania Radio”.
Aktori tregoi se ka qenë bashkëshortja e tij që e ka puthur e para. “E mbaj mend shumë mirë sepse ka qenë ajo që më përplasi pas murit. Ma rrëmbeu ajo e para. Kam qenë në një lokal në Cerrik, në qytetin ku jam lindur dhe rritur.”, tha Salsano duke shprehur më pas dhe falenderimet për të.
“E falendëroj për çdo gjë që bën ajo për familjen. Është shumë e përkushtuar. Është shumë praktike, gjatë gjithë kësaj periudhe ajo gjen zgjidhje për çdo gjë me fëmijët dhe më ka lënë mua më të lirë për t’u marrë me punën time.”, tha ai.
Ndër të tjera ai zbuloi edhe dy gënjeshtra që i ka thënë gruas së tij: “Kurthi që i kam bërë disa kohë më parë në emisionin “Ndryshe”, dhe më 1 prill i thashë që kam bërë aksident.”
