Xhensila Myrtezaj dhe Ledri Vula janë filmuar së fundmi në një klub në Paris, duke shkëmbyer një puthje. Dy artistët janë fotografuar mbrëmjen e kaluar në eventin Circoloco Paris, ku shfaqen duke kërcyer, kënduar dhe qëndruar shumë pranë njëri-tjetrit.
Në pamjet që kanë mbërritur në redaksinë e Anabel Media, ata duken mjaft të afërt, gjë që ka rikthyer dyshimet që prej kohësh qarkullojnë se mes tyre mund të ketë më shumë sesa një raport thjesht profesional.
Prej disa kohësh, Xhensila dhe Ledri janë pjesë e të njëjtit menaxhim, atë të Faton Shoshi, ndërsa gjatë viteve të fundit kanë realizuar edhe disa bashkëpunime muzikore së bashku.
Pas kapitujve të ndryshëm në jetën e tyre personale, duket se të dy kanë lënë pas të shkuarën dhe, të paktën nga sa sugjerojnë pamjet nga Circoloco Paris, mund të kenë krijuar një afrimitet të ri.
Xhensila është nënë e dy fëmijëve, Ajka dhe Amen, nga marrëdhënia e saj e gjatë me aktorin Bes Kallaku.
Ndërkohë, Ledri është baba i një vajze, Poem Blu, nga lidhja e tij me Sara Hoxhën.
