Modetaroja Dojna Mema është në pritje të ëmbël, për pak javë ajo do të sjellë në jetë djalin e saj. Në një pyetësor të zhvilluar në “Instagram”, ajo ka marrë edhe pyetjen nëse do të bëjë lindje natyrale apo çezariane. Dojna ka zgjedhur t’i përgjigjet.
“Kjo është nga ato pyetjet që unë do ta kisha evituar, por për sa kohë kam një Instagram publik, dua t’i diskutojmë edhe ca gjëra që ndoshta shumë vajza që janë shtatzëna, bezdisen nga pyetje të caktuara. Sidomos shprehja “vetë apo me operacion”, më duket totalisht e pavend, se duket sikur në rastin e parë e bën vetë, në të dytin nuk e bën vetë, ndërkohë që në të dyja rastet është nëna ajo që sjell në jetë fëmijën dhe mbetet heroinë e vërtetë që kalon procesin e lindjes, sidoqoftë ai, natyral apo ai çezarian. Unë e kam lënë deri në momentin e fundit, do të jetë doktoresha ajo që do të më thotë cila është më e mira për mua”, ka thënë ajo.
Kështu që mos i pyesni më vajzat që presin të bëhen nëna se çfarë do të bëjnë. Ato janë heroina në të gjitha mënyrat.
