Pyetjet e bezdisshme rreth shtatzënisë pas Elita Rudit, i kanë kaluar tanimë Sarës, partneres së Ledrit. Duke u treguar e drejtëpërdrejtë dhe transparente, Hoxha ka vetëm një pyetje të vetme për të gjithë: Pse po lodhen ndjekësit nga pritja e saj? Dhe me të drejtë.
“O njerëz të dashur dhe të mirë! E kuptoj se jeni në ankth më shumë se unë për lindjen time por s’kemi ç’të bëjmë do presim edhe pak. Por vetëm diçka nuk kuptoj, ju që më thoni “Na lodhe, na lodhe”, pse po lodheni më shumë se unë? Apo më doni kaaaq shumë saqë doni të merrni nga lodhja ime? Unë e di që për të pjell, pjell lopa. Kështuqë shumë shumë faleminderit për dashurinë!”, kanë qenë këto fjalët e Sarës në një postim të orëve të fundit.
Më parë edhe Elita Rudi ka ndarë të njëjtin shqetësim si Sara, duke treguar hapur arrogancën dhe pyetjet aspak etike të ndjekësve në rrjetet sociale.
Pas kaq thirrjes, shpresojmë që ndjekësit e vajzave të vënë ca mend dhe të kuptojnë se për fëmijën, barkun e çdo gjë tjetër të tyre, përgjigjen vetë ato!/revistawho.com
