Me një stil jete gjithnjë e më sedentare kërkojmë të humbim peshë, të forcojmë muskujt dhe të kemi një trup më elastik. Sipas tendencave të reja, të ushtrohesh me buzëqeshje është një mënyrë për ti dhënë vlerë ditës dhe të zbulosh nj cilësi jete më të lumtur. Acroyoga tek sportet në ujë dhe shumë të tjera janë eksperienca të reja që duhen provuar për të na dhënë fuqi. Ja pesë trende që duhet t’i provoni për 2017.
Në zbulim të trupit
Bazohet në parimet e disiplinës së jogës tradicionale, por dhuron një eksperiencë intensive falë bashkimit me akrobatikën. Quhet Acroyoga dhe është një përmbledhje e elementëve të ndryshëm, ideale për atë që kërkon dinamikë dhe dëshiron të trajnohet duke luajtur. Për ata që kanë dhimbje shpine do të ketë përfitime të menjëhershme, pasi zhvillon elasticitetin e shtyllës kurrizore dhe stimulon tonifikimin muskulor falë një seri pozicioni joge.
Do të humbësh peshë?
Të luftosh kilet e tepërta dhe të jesh në formë është një nga objektivat më të kërkuara të kohës. Vazhdon i kushtohet rëndësi stërvitjes së trupit të lirë, duke shkuar në palestër, apo përmes videove të ndryshme fitness për tu trajnuar në shtëpi kur keni pak kohë. Gradualisht do të mësoni të besoni më shumë tek trupi juaj, të njihni kufijtë dhe të forconi muskujt duke bërë ushtrime në çdo moment të ditës. Provoni Core Conditioning që përmban stërvitjen e trupit të lirë mbi një sferë llastiku, ideale për të fuqizuar kurrizin dhe abdominalin pa u mërzitur.
Relaksi, është objektivi yt
Qëndrimet e gabuara mund të rrisin dhimbjet e shpinës dhe të kontraktojë muskujt. Disiplina të tilla si pilates ju ndihmojnë pasi forcojnë muskujt dhe stërvisin elasticitetin e shtyllës kurrizore. Sporti i ri është yogalates, që përfshin ushtrime pilate, të menduara për të tonifikuar muskujt dhe joga.
Kënaqësia e ujit
Uji të stërvit me ëmbëlsi, të ndihmon të dobësohesh dhe të krijosh një formë harmonike të trupit. Ndonjëherë mjafton të vishni robat e plazhit për tu ndjerë si me pushime. Stërvitja në ujë përfshin disa lloje, si AquaDisc, për muskujt e shpatullave dhe krahëve, tek cyclette dhe tapis roulant subacquei. Ndërkohë që është rritur interesi për sërfin. Nëse jetoni afër detit një vrap gjatë bregut ju forcon muskulaturën dhe të ndihmon në përqëndrimin mendor duke ju dhënë energji pozitive.
Gjej ritmin
Nga studimet del se stërvitja në grup të ndihmon, sepse falë të tjerëve përmirësojmë performancën tonë, shlodhemi pa u shkurajuar dhe zbavitemi. Një nga propozimet që ka patur sukses është zumba, perfekte për të qëndruar në formë dhe për të shkarkuar tensionin e ditës. Do të zbulosh kënaqësinë e muzikës dhe sensualitetit? Qëndroji ritmit. Mund të provoni dhe tangon dhe vallet popullore./tch
