Dafina Zeqiri dhe Era Istrefi janë aktualisht dy artistet më në zë jo vetëm për hitet që po publikojnë njëra pas tjetrës, por edhe për një sherr që ka ndodhur së fundmi mes tyre. Pasi Dafina akuzoi publikisht Erën se i kopjoi vathët, fansat e Erës e akuzuan atë se i ka kopjuar veshjen. Bëhet fjalë për veshjen që Dafina u shfaq në klipin e këngës Dhimbje, dhimbje”. Era është shfaqur me të njëjtën veshje pak kohë më parë. Veshja përbëhet nga streçe si rrjet dhe një crop-top me një krah të gjatë. Dy pjesët lidhen bashkë përmes disa rripave, me disa ndryshime të vogla siç është pjesa e barkut që është më e mbuluar dhe dorezat. Dhe si të mos mjaftonin këto akuza, artistet i kanë dhënë goditjen finale njëra-tjetrës duke prishur miqësinë. Fansat e tyre kanë vënë re se Dafina dhe Era nuk ndiqen më në Instagram.
