Jeni këngëtarë dhe këndoni në klube nate apo në organizime të tjera festive? Atëherë do të duhet të paguani taksat. Por këngëtarët nuk janë të vetmit që do të vuajnë këtë vendim të qeverisë. Atyre u është bashkangjitur edhe një grup tjetër profesionesh si, regjisorë, piktorë, DJ, animues festash, dizajnerë apo krijues të çdo arti pamor. “Syri.net” raporton sot se tashmë ata nuk do të munden të ushtrojnë më profesionin pa paguar taksat. Ky target-grup ka marrë një urdhër të lëshuar nga Administrata Tatimore, ku u bën thirrje të regjistrohen konform ligjit për të shmangur masat ndëshkuese për evazion fiskal.
Vetëm një pjesë e vogël e kësaj kategorie i janë përgjigjur thirrjes, por pjesa dërmuese mbetet në masë të madhe informale, në një çast që ligji parashikon për këtë kategori një seri taksash kombëtare e vendore./
