Kohë më parë, mamatë që i jepnin gji fëmijëve të tyre në ambiente publike gjykoheshin nga një pjesë e madhe e njerëzve, pasi shumica e shihnin këtë veprim si tabu. Por kjo gjë me kalimin e viteve ma ndryshuar dhe tani ‘breastfeeding’ nuk shihet më si diçka e ndaluar. Sigurisht, i gjithë ky ndryshim ka ardhur nga puna sensibilizuese e mamave kudo nëpër botë dhe sidomos nga mediat. Ky sensibilizim ka ndodhur dhe në vendin tonë dhe më së shumti e shohim tek VIP-at shqiptarë. “RevistaWho.com” ka përgatitur një listë të mamave të famshme në Shqipëri që nuk e kanë problem t’i japin gji fëmijëve të tyre në publik, madje e tregojnë këtë me krenari.
1. Bieta Sulo
Bieta Sulo ka treguar në një emision ‘live’ 2 vite më parë se t’i japësh gji fëmijës tënd në publik nuk është aspak problem. “Kur ka orarin e tij, Kroi nuk do t’ia dijë as për mikrofon, as për kamera”, ka shkruar moderatorja.
2. Elita Rudi
Elita Rudi u bë nënë 5 muaj më parë dhe momentet e shumta që ka kaluar me djalin e saj i ka ndarë dhe me publikun. Një ndër to dhe momentin kur i jep Zërit gji në publik. Krahas fotos ajo ka shkruar dhe një mesazh sensibilizues, që ka shkaktuar reagime të shumta tek fansat e saj.
https://www.instagram.com/p/ByC7u96FrrM/?igshid=1wh9q6y4tjn6x
3. Diellza Kolgeci
Diellza Kolgeci nuk është shumë aktive në rrjete sociale, mirëpo ndonjëherë publikon foto nga momentet që kalon me vajzën e saj. Pak kohë pas lindjes, ajo publikoi një foto ku tregoi me krenari se ishte një mama që e ushqente vogëlushen e saj me qumësht gjiri.
4. Greis Petroviç
Greis Petroviç publikoi një foto nga prapaskenat e emisionit ‘Ftesë në pesë’ me vogëlushen e saj në krah, duke i dhënë gji. Modelja ka treguar se për të ky gjest nuk është aspak tabu, ashtu siç nuk duhet të jetë për asnjë mama tjetër.
https://www.instagram.com/p/BuO8nWgnzV_/?utm_source=ig_web_copy_link
5. Emina Cunmulaj
Emina Cunmulaj njihet dhe vlerësohet nga publiku shqiptar për karakterin e saj të thjeshtë, sidomos kur bëhet fjalë për 2 vogëlushet e saj. Pak kohë më parë, Emina publikoi një album me foto shkëputur nga lindja e Mia-s. Ndër to ishte dhe një foto ku ish-missi shfaqej duke i dhënë gji vogëlushes.
6. Erjona Sulejmani
Në kuadër të javës së ‘breastfeeding’, Erjona Sulejmani ndau me fansat e saj foton më të ëmbël, ku shfaqej me vogëlushin në krahë, duke i dhënë atij gji. Ndjekësit e saj e kanë pëlqyer shumë këtë gjest dhe nuk i kanë kursyer komentet e tyre./revistawho.com
https://www.instagram.com/p/B01ox5Plw-v/?igshid=1fpapgbktsjjs
