Naomi Campbell ka pranuar se sfida me racizmin për shkak të ngjyrës së lëkurës vazhdon të jetë e madhe dhe e pashmangshme. Në një intervistë për ‘Paris Match’, ajo ka treguar si e sheh dhe e përjeton këtë fakt edhe sot, pas shumë vitesh në industrinë e modës. “Së fundmi isha në një qytet në jug të Francës në kohën kur u mbajt Festivali i Kanës dhe isha e ftuar në një event që mbahej në një hotel. Djali në hyrje na tha që vendet janë mbushur plot dhe nuk na la mua dhe mikeshën time që të futeshim ndërkohë që po i linte gjithë të tjerët të kalonin. U trondita nga reagimi”, rrëfeu Naomi.
Më tej modelja u shpreh se diskriminimi për ngjyrën e lëkurës është një sfidë që nuk i është ndarë që në fillimet e karrierës dhe siç duket do vazhdojë ende. Campbell e mbyll fjalën duke treguar se nuk do heqë kurrë dorë së ngrituri zërin për këtë çështje dhe do përpiqet gjithmonë që njerëzit të trajtohen në mënyrë të drejtë. / revistawho.com
