Rafael Nadal do të tërhiqet nga tenisi në fund të këtij sezoni.
38-vjeçari, 22 herë kampion do të bëjë paraqitjen e tij të fundit për Spanjën në finalet e Kupës Davis të nëntorit në Malaga.
“Jam këtu për t’ju njoftuar se po tërhiqem nga tenisi profesionist. Realiteti është se kanë qenë vite të vështira, veçanërisht dy të fundit. Unë nuk mendoj se kam qenë në gjendje të luaj pa kufizime. Në këtë jetë, çdo gjë ka një fillim dhe një fund. Dhe mendoj se është koha e duhur për t’i dhënë fund një karriere që ka qenë e gjatë dhe shumë më e suksesshme nga sa mund ta kisha imagjinuar ndonjëherë.”, u shpreh ai në një video-mesazh këtë të enjte.
