Aktorja Parul Chauhan të cilën e njihni të gjithë falë rolit të Ragnit në serialin “Bidai” u martua këtë javë me partnerin e saj, aktorin Chirag Thakkar. Ceremonia e martesës u mbajt më 12 dhjetor dhe çifti u martua në një tempull. Aktorja 30-vjeçare zgjodhi të martohej në mënyrë tradicionale dhe veshi një sari të kuq. Në dasmë çifti kishin ftuar familjarët dhe miqtë e ngushtë. Një ditë më parë Parul mbajti edhe ceremoninë e kënasë ku shkëlqente e veshur me të verdha dhe lule në kokë. Parul dhe Chirag u njohën në vitin 2015 nga një shok i përbashkët. “Dasma jonë ishte një ditë e mbushur me familjarë, miq dhe njerëzit tonë të dashur. Faleminderit shumë që ishit pjesë e rëndësishme e kësaj dite. Ne do e kujtojmë gjithmonë. Ne ju falenderojmë që na bekuat me prezencën tuaj. Zoti ju bekoftë”-shkruan Parul./revistawho.com
