Këto ditë të nxehta vere kryeministri Edi Rama ka vendosur t’i kalojë larg zhurmës së Tiranës, duke shijuar brigjet e kaltra të Jonit së bashku me familjen e tij. Duke qenë se gjatë gjithë vitit është në krye të detyrës për drejtimin e shtetit, vera është koha perfekte për t’i përkushtuar disa ditë vetes dhe personave më të afërt.
Herë pas here Rama është shprehur në media se i vjen keq që nuk mund të kalojë aq kohë sa duhet pranë djalit të vogël, Zaho, prandaj këto ditë duket se ka vendosur që gjithë energjinë e tij t’ja kushtojë të voglit. Kryeministri ka publikuar në ‘Instagram’ një video në të cilën shihet duke mësuar Zahon se si të zhytet.
Duket sikur Rama është bërë njësh me moshën e të birit, me qëllimin e vetëm që të dy të shijojnë sa më shumë këto ditë së bashku. Kryeminstri duket shumë i kënaqur që Zaho po mëson aq shpejt se si të zhytet, ndaj nuk ngurron të festojë për arritjet e tij.
Për Zahon, Rama nuk ka as post e as një titull, ai e sheh thjesht si figurën e babait prej të cilit duhet të mësojë çdo gjë për jetën. /revistawho.com
